فن التصوير
لقد اخترعنا الفن لكيّ لا نموت من الحقيقة
- فريدريك نيتشه.
أعمالي
هنا نأخذكم في رحلة عن كل ما يتعلق بتصوير الأطعمة والمنتجات
فتحة العدسة الصورة بالأعلى الرقم كبير بالتالي يقل العزل والاضاءة لذلك لازم اضاءة المكان تكون كافية وبامكاننا نعوض الاضاءة بتقليل الشتر أو رفع الايزو الصورة بالأسفل الرقم صغير بالتالي تزيد الاضاءة والعزل ( عدسة50mm مناسبة لهذا التصوير)
من أهم الأمور بالتصوير العواكس ( بامكاننا نغلف كرتون بقصدير ونستخدمه عاكس ونتائجه ممتازة) فائدة العواكس تخفي الظلال وتوزع الاضاءة كويس
.
وهذي نتيجة استخدام العاكس
توازن التكوين في تصوير الأطعمة
فيه قاعدة تقول أن العنصر لما يكون فوق مثل (طبق الببض الصغير) بتكون هذي الجهة ملفته للانتباه أكثر
ف عشان نخلق توازن بالصورة اضفنا كوب القهوة يسار
فيه قاعدة جدا بسييطه وحلوة وهي قاعدة التطابق بحيث ان الجزء اليمين من الصورة نفس الجزء اللي يسار تقريبا
القاعدة الثالثة تقول لو حبينا نحط عنصر على اليمين (طبق البيض الكبير) نحرص اننا نضيف عناصر اخرى باليسار عشان يكون فيه توازن وماتكون الصورة فاضية ايضا نراعي حجم الطبق وكمية الاكل الموجودة فيه
ايضا لازم نراعي الوان الصحن هنا الصحن ملون وفوقه عناصر اكثر ف صار الجانب الايمن ملفت أكثر وهالشيء سبب عدم توازن بالصورة
طرق رسم خطوط وهمية بالتكوين
استخدام الالوان
نقدر نجذب عين المشاهد للصورة باستخدام الالوان بحيث انه أول مايشوف الصورة تلقائيا يصنف الألوان ويسوي خط وهمي بناء على كل لون لفوا السهم وشوفوا الصورة الأصليه وبعدها شوفوا الخطوط اللي تمثل كيف العين تبدأ تصنف الألوان المتشابهه بحيث تشكل خطوط. هالتكنيك لو نستخدمه صح نضمن صورة جميلة ونتحكم بعين المشاهد
تكرار نفس العنصر
هنا نفس الفكرة لكن هالمرة مااستخدما لون لا اعتمدنا على تكرار نفس العنصر يعني حطينا شرائح توست فيها نفس المكونات وبالتالي عين المشاهد تلقائيا ترسم خط وهمي مع حبات التوست وكذلك المكونات اللي وراء
عناصردائرية
هالمرة أعتمدنا على الشكل العين تنجذب للعناصر الدائرية بالصورة وأيضا كل شكلين دائرية كانوا فوق بعض ف شكلوا خط ايضا لاحظوا ان اضافة السكين رايحة بنفس جهة الخطوط فصايرة الصورة مريحة للعين الخطوط الوهمية بهالصورة يمكن مانلاحظها من أول نظرة زي اللي قبل لكن حبيت احطها عشان تشوفون أن نقدر نطبق القاعدة هذي بشكل مو مباشر وبعناصر مختلفة
عنصر واحد
بهذي الصورة حبيت اوضح انه مو شرط نستخدم مجموعة عناصر تجمعهم صفة وحدة عشان نطبق القاعدة لا مرات نقدر نستخدم عنصر واحد يكون بتفاصيله خطوط
كيف ابدأ بزنس بالتصوير؟
حتى لو كنتي مصورة محد يعرفك بامكانك تكلمين اسر منتجة وتقولين لهم انك بتصورين منتجاتهم بمبلغ رمزي وتورينهم بعض من تصويرك وخلال هالفترة بامكانك تشتغلين على حسابك بالانستقرام تعرضين فيه الصور اللي صورتيها للعملاء وممكن ارائهم بعد بحيث يكون حسابك هو واجهتك وبرضو بتتعلمين كيف تتعاملين مع العملاء وأهم شيء الوضوح مع العميل من البداية يتحدد السعر وعدد الصور وهل بتكوين واحد واذا يبي اعادة الصورة او تعديل بكم بيكون تفاديا للمشاكل ومع الوقت لما تتعلمون رفعوا السعر شويه وممكن حطوا شروط تضمن حقكم زي العربون
كيف نسعر صورنا ؟
1- تسعير بعدد الصور مثلا الصورة ب40 ريال واذا أحد طلب صور كثيرة نخفض السعر له 2- تسعير بعدد الساعات مثلا عن كل ساعة تصوير يدفع 40 ريال - ماافضل هالطريقة لأن مرات يروح الوقت بتجهيز او مااصور متواصل- 3- تسعير بالايام بحيث نفرض ان اليوم 8 ساعات وله تسعير ونصف اليوم يكون 4 ساعات وله تسعير ويكون هالوقت يشمل التجهيزات والتصوير-أرفقت فيديو يشرح طريقة التسعير هذي- وبامكانكم تاخذون مقابل على تغيير التكوين واعادة الصورة والتعديل لأن فيه زباين يتحكمون وبيتعبونكم لو تكون مجانية
زوايا التصوير
أهم شيء نترك مسافة بين الكاميرا والمنتج بحيث يوضح كامل ونختار وحدة من هالزوايا المشهورة على حسب المنتج نفسه يعني لو بصور بان كيك بختار الزاوية 1 لأن يهمني توضح الطبقات لو كيكه بختار زاوية 2 او 3 عشان توضح الطبقات والزينه اللي فوق لو مثلا شوربة بصور بزاوية 4 وهكذا عموما موضوع الزوايا يحتاج ممارسة وطبيعي لو ماتلقون الزاوية المثالية من أول مرة عشان كذا صوروا بأكثر من زاوية بعدين اختاروا الأفضل
الدارك مود والتحكم بالضوء
الدفيوزر او المشتت
هنا حطينا المنتج بخلفيه وارضية سوداء واعتمدنا على اضاءة فلاش فقط وصار عندنا الضوء مزعج على غطاء العطر -الصورة اليسار- لذلك استخدمنا دفيوزر او مشتت لتنعيم الضوء وتوزيعه صح -الصورة اليمين-
حجب الضوء بالفوم بورد
هنا عندنا حطينا الفوم بورد الأسود بين الاضاءة والدفيوزر بحيث نحجب جزء من الضوء شوفوا النتيجة يمين انحجب اسم المنتج وصارت مظلمه اكثر
استخدام الفلين بالدارك مود
هنا استخدمنا الفلين من يمين ويسار عشان يوجه الضوء على المنتج ويعمل عمل العاكس
يبقى لنا اخر شيء اننا نوضح السائل اللي داخل العطر باستخدام اضاءة من الخلف
برامج الجوال المجانية
أفكار خلفيات تصوير
كيف نعدل على الصور ونرفعها بجودة عالية ؟
بالنسبة للتعديل نستخدم صيغة RAW بدال JPEG لأنها تسمح بالتعديل بدون لا تقل الجودة عكس الثانية وبالنسبة لرفع الصور عندكم الأيميل وقوقل درايف يحافظون على الجودة لكن بعض التطبيقات مثل الانستقرام يقلل بالجودة اذا ماكانت الصورة بالحجم المسموح بالفيديو موجودة طريقة كيف نخلي حجم الصورة يتوافق مع شروط الانستقرام بحيث تنزل بجودة عالية
